Waqt Hota Ke Mera Bakht

Waqt Hota Ke Mera Bakht Anaa’n Geer, So Hai

Tujh Se MiLne Mein Yu’n He Huii Thii Takheer, So Hai.

Hum He Is Baar Tap-E-Ghum Se Na Bachne Paaye,

Woh Jo Hoti Thii Tere Haath Mein Taseer, So Hai.

Itnii Dushwaar Nahin Thii Girh-E-Ghum Kii Kishod,

Be-Hunar He Tha Mera Nakhun-E-Tadbeer, So Hai.

Rum Bohot Tujh Mein Hai Lekin Mere Khuwabon Ke GazaaL,

DiLL Ko Hona Tha Tere Paao’n Kii Zanjeer, So Hai.

Main Sitaro’n Kii Sifarish Bhii Agar Le Aatii,

Yahi Likhii Thii Mere Khuwabon Kii Tabeer, So Hai . . . */

Humdam Mere Mujhko Bohat kuch Tumse kehna hai

Suno…..

Humdam Mere Mujhko
Bohat kuch Tumse kehna hai

Yeh raatein
Mujh pe bhaari hain

Yeh Shaamein
Gham se taari hain

Bohat kuch yaad aata hai

Bohat Mujh ko rulata hai

Suno,,,,,,,,,,,,,,,,
Ik kaaam kr do na

Yeh apni Baatein sari

Yeh apni Yaadein sari

Tum kyun le nahin jate ?

Jab aana he nahin Tum ne

Tou phir kyun yaad aate ho ?

Meri aankhon mein bn kr Ashk

Phir kyun ruk se jate ho ?

Suno Jaanam,,,,,,,,,

Main apne Zabt ka daman
Kahiin chor na baithon

Lout aao Mere Humdam

Ke Main khud ko tor na baithoon. . .*)

Main Akser Sochti Hoon

Main Akser Sochti Hoon,

Kiya Rishta Hai,
Mera Tum Say

Aisa Kia Hai Tum Main,

Jo Mujhay Tum Say Bandhay Howa Hai,

Kiya Yeh Pyaar Hai.

Ehsaas Hai?

Dhokha Hai?

Ya, Aziyat Hai?

Janay Kesa Rishta Hai?

Jis Main Wafa Nahi Jafa Hai,

Jis Main Pyaar Nahi,
Aziyat Hai,

Jis Main Tum Nahi,
Tumhara Feraib Hai,

Janay Main Kyun
Tum Say Dorr Ho Nahi Paati,

Tumhara Har Teer Sahi Jaati Hoon,

Tumhari Har Baat Mera Dil Ko Cheer Deti Hai

Tumhari Har Aziyat Mujhay Qabool Hai,

Janay Yeh Kesa Rishta
Hai,

Janay Yeh Kaisa Bandhan Hai ?. . .*)

Advertisment

Han Barish Ab Bhi Hoti Hai

Han Barish Ab Bhi Hoti Hai ….!!!!

Barasti Barishon Main B

Mujhe Ye Yad Rehta Ha

Bohot Ehsas Rehta Hai

K Jab Hum Sath Hoty Thy

Haseen Din Rat Hoty Thy

Mohabbat K Chaman Main Jub

Baharein Mukurati Thein

Haseen Rangon Ki Chadar Main

Chahat Jugmagati Thi , DiL Ko Lubhati Thi

Magar Phir Kya Howa Ye Sub ? Judai K Andheron Ne

Mohabbat Ki Roshi Ko Siyahi Main Badal Dala

Ajab Sa Hal Hai Ab Tu

Barish Ab Bhi Hoti Hai, Meri Yaadein Bhigoti Hai

Wo Lamha Yad Hai Ab B,, Bhulaaon Ga Bhala Kesy

Mery Hathon Ko Apny Hath Main Le Kar

Meri
Aankh Ko Bosa De Kar

Kaha Tha Tum Ne Aik Pal Ko

Ye Chahat K Sabhi Paigham

Ye Barsaatein Tumhary Nam

Wo Aik Tha Mera Apna Mohabbat Se Bhara Sapna

Han Barish Ab Bhi Hoti Hai

Mery Banjar Hathon Ko dEkh Kar

Mery Sath Roti hAi

Meri Aankhen Bhigoti Hain. . .*)

Mohabbat Ki Makri

[ Mohabbat Ki Makri ]
.
Mere Dil Se Le Kar Tere Sang-e-Dil Tak,
.
Guman Ki Chita Aur Haqeeqat Ki Sil Tak,
.
Jo Aankho’n se Meri, tere Kaly Til Tak,
.
Buna Tha Mohbbat Ki Makri Ne Jaala,
.
Zamaney Ke Hatho’n Ne wo Taar-e-Ulfat, Yahan Se Wahan Tak Sabhi Noch Dala,
.
To Dono Hi Dil Ab Reha Ho Chuke Hain,
.
Chitaa aur Wo Sil Bhi Juda Ho Chuke Hain,
.
Wo Aankhen Wo Til Bhi Fana Ho Chuke Hain,
.
Wo Chahat
Na Jane Kidhar Ko Gai Hai,
.
Woh Mohabbat Ki Makri Bhi Kahin Kho Gai Hai…|

Humare Darmyan Aesa Koii Rishta

Humare Darmya’n Aesa Koii Rishta Nahin Tha
Tere Shano’n Pe Koii Chat Nahin Thii
Mere Zime Koii Aa’ngan Nahin Tha
Koii Wada Terii Zanjeer-E-Pa Ban’ne Nahin Paya
Kisi Iqrar Ne Meri KaLaii Ko Nahin Thama
Hawa-E-Dasht Kii Manind
Tu Aazad Tha
Raste Teri Marzi Ke Taabeh Thay
Mujhe Bhii Apni Tanhaii Pe
Daikha Jaaye Toh
Poora Tasaruf Tha !

Magar Jab Aaj Tu Ne
Raasta BadaLa
Toh Kuch Aesa Laga Mujh Ko
Keh Jese Tu Ne Mujh Se Be’wafaii Kii . . . */

Kia Baat Hai Jiss Ka Ghum Bohot Hai

Kia Baat Hai Jiss Ka Ghum Bohot Hai,

Kuch Din Se Yeh Aankh Num Bohot Hai.

MiL Leta Hai Guftgu Kii Had Tak,

Itna He Tera Karam Bohot Hai.

Ghar Aap He Jag-Maga Uthay Ga,

DehLeez Pe Ik Qadam Bohot Hai.

MiL Jaaye Agar Terii Rafaqat,

Mujh Ko Toh Yahii Janam Bohot Hai.

Kia Shab Se Humein SawaL Karna,

Hona Tera Subah Dam Bohot Hai.

Kyun Bujhne Lage Charag Mere,

Ab Ke Toh Hawa Bhii Kam Bohot Hai.

Chup Kyun Tujhe Lag Gaii Hai Parveen,

Sunte Thay Keh Tujh Mein Ram Bohot Hai . . . */

Rasta He Naya Hai

Rasta He Naya Hai, Na Main Anjan Bohot Hoon,

Phir Ko’e MaLamat Mein Hoon, Na-Daan Bohot Hoon.

Ik Umar Jise Khawab Kii Manind He Daikha,

Chhoone Ko MiLa Hai Toh Pareshan Bohot Hoon.

Mujh Main Kabhii Aahat Kii Tarah Se Koii Aaye,

Ik Band GaLLii Kii Tarah Sunsan Bohot Hoon.

Daikha Hai Gurez Us Nigah-E-Sard Ka Itna,

MaayeL Ba-Tawajah Hai Toh Hairan Bohot Hoon.

ULjhen Ge Kaii Baar Abhii Lafz Se Mafhoom,

Saadah Hai Bohot Woh Na Main Aasan Bohot Hoon . . . */

Bahaa Ke Aansu Usne

Bahaa Ke Aansu Usne Mujhse Ek Sawaal Kiya,

Kyun Aakhir Tum Ne Is Qadar Mujhse Piyar Kiya,

Kuchh Aise Uske Sawaal Ne Mujhe Tarpa Diya,

Ke Bari Musikil Se Maine Apne Aansu’on Ko Chhupa Diya,

Usne Apni Qasam De Ke Kaha Meri Shadi Mein Zarur Aana,

Maine Hans Ke Us Waqt Haan Mein Sar Hila Diya,

Meri Hansi Ne Usse Kuchh Aise Tarpa Diya,

Usne Phir Se Rote Huwe Mujhse Wohi Sawaal Kiya,

Uske Aansu Ko Saaf Karte Huwe Maine Aakhir Yeh Jawab Diya,

Nahi Karta Main Tum Se Piyar Jao Maine Tumhein Aazad Kiya,

Uske Jate Huwe Mene Peechhe Se Aiteraf Kiya,

Apne Haathon Se Meri Jaan Mene Khud Ko Hi Tabah Kiya…?

Aankh Sy Lahu Na Bahaya Kr

Aankh Sy Lahu Na Bahaya Kr

Aey Dil Usy Kabi To Bhol Jaya Kr

Dekhna Vo Ek Din Tumhe Chor Jaye Ga

Na Usy Itna Sataya Kr

Itna Aitbaar Bi Acha Nhi Hota

Usy Hr Ek Baat Na Bataya Kr

Shiddat-E-Gham Sy Seena Phat Jaye Ga

Aankh Sy Kuch Aansoo Bahaya Kr

Us Jaisa Tumhe Kahin Mil Nhi Sakta

Hazaar Baar Ruthe Hazaar Baar Mannaya Kr

Yahan Baad Muddat Koi Sukh Milta Hy

Haath Ayi Khushi Yun Na Ganwaya Kr…!

0.034673929214478